Dərman vasitəsinin istifadəsi üzrə təlimat (xəstələr üçün) VATORLAK 30 mq/ml inyeksiya üçün məhlul VATORLAC Beynəlxalq patentləşdirilməmiş adı: Ketorolac trometamol Tərkibi Təsiredici maddə: 1 ampulda (1 ml) 30 mq ketorolak trometamin vardır. Köməkçi maddələr: natrium xlorid, etanol, inyeksiya üçün su. Farmakoterapevtik qrupu Qeyri-steroid iltihab əleyhinə preparatlar (QSİƏP) qrupuna aiddir. ATC kodu: M01AB15. Farmakoloji xüsusiyyətləri Farmakodinamikası Siklooksigenaza fermentlərini (SOG-1 və SOG-2) blokada edərək araxidon turşusundan iltihabi prostoqlandinlərin əmələ gəlməsinin qarşısını alır, iltihabı aradan qaldırır, analgetik təsirə malikdir. Maksimal analgezik təsir 2-3 saat ərzində inkişaf edir.Trombositlərin aqreqasiyanın qarşısını alır və bu geridönən prosesdir. Asetilsalisil turşusunun antiaqreqant təsirindən fərqli olaraq (trombositlərin ömrü boyu saxlanılır) ketorolak trometaminin trombositlərin aqreqasiyasına təsiri 24-48 saatdan sonra dayanır. Ketorolak trometamin sakitləşdirici və ya anksiolitik təsir göstərmir. Farmakokinetikası Ketorolak trometaminin venadaxili və əzələdaxili istifadəsindən sonra farmakokinetikasının müqayisəsi göstərdi ki, qəbul yolundan asılı olmayaraq böyüklərdə biomənimsənilməsi 100% təşkil edir. Əzələdaxili yeridilməsindən sonra sürətlə və təmamilə sorulur. Cmax 30 mq əzələdaxili inyeksiyadan 50 dəqiqə sonra əldə edilir və 2,2-3,0 mkq/ml təşkil edir. 10 mq venadaxili infuziyadan sonra plazmada ən yüksək konsentrasiya (2,4 mkq/ml) 5,4 dəqiqədən sonra müəyyən edilir. Ketorolakın plazma zülalları ilə birləşməsi 99,2% təşkil edir və bu birləşmə preparatın damar mənfəzindəki konsentrasiyadan asılı deyil. Qaraciyərdə konyuqasiya və hidroksilləşdirilmiş formaların əmələ gəlməsi ilə metabolizə olunur. Əsas metabolit hidroksiketorolak farmakoloji cəhətdən təsirsizdir. Əsasən böyrəklər vasitəsilə xaric edilir. Böyrək funksiyası pozulmuş xəstələrdə ifrazat yavaşlayır. Kəskin böyrək çatışmazlığı olan xəstələr istisna olmaqla, preparatın xaricolma sürəti böyrək funksiyasının pozulma dərəcəsinə mütənasib olaraq azalır. Sidikdə, qəbul edilən dozanın 92% -i, nəcisdə 6%-i aşkar edilir. Təkrar qəbulu ilə ketorolakın klirensini dəyişmir. İstifadəsinə göstərişlər VATORLAK, iltihab əleyhinə qeyri-steroid bir preparat kimi, opioid səviyyəli analgeziya tələb edən orta ağırlıqlı kəskin ağrıları qısa müddətdə (böyüklərdə 2 gün) idarə etmək üçündür. Əks göstərişləri Aşağıdakı hallarda Sizə VATORLAK inyeksiyası olunmamalıdır və Siz tez bir zamanda həkiminizlə danışmalısınız: • Ketorolak və ya bu preparatın hər hansı bir inqrediyentinə qarşı allergiyanız varsa; • Ibuprofen, Aspirin və ya digər QSİƏP-lərdən hansınasa nə zamansa yüksək həssaslıq reaksiyası olubsa; • əvvəllər peptik xora (mədə və ya on iki barmaq bağırsaqda xora), yaxud mədə qanaxması və ya perforasiyası olubsa; • beyin qan damarı zədələnməsindən qanaxma varsa; • qanaxma və ya laxtalanma problemləri varsa; • tənəffüs yollarında nazal poliplər, allergik şişkinliklər (dəridə, ağızın, gözlərin, burunun və ya cinsi orqanların ətrafında), yaxud daralmalar nəticəsində tənəffüsün çətinləşməsi varsa; • astma və ya astma anamnezi varsa; • əgər Siz digər QSİƏP-lərı (Ibuprofen kimi), Aspirin, Okspentifillin (sirkulyator xəstəliklərin müalicəsi üçün), Probenecid (podaqranın müalicəsi üçün), yaxud Litium duzları (sinir xəstəliklərinin müalicəsi üçün) qəbul edirsinizsə; • qanı durulaşdırmaq üçün dərman preparatları qəbul edirsinizsə (Varfarin, yaxud Heparinin kiçik dozaları); • dehidratasiya və ya çoxlu qan itirmə varsa; • ağır ürək çatışmazlığı varsa; • qaraciyər çatışmazlığı varsa; • yüksək qanaxma riski ilə, yaxud tam saxlanılmayan qanaxma ilə əlaqədar son zamanlar cərrahi əməliyyat olunubsa; • cərrahi əməliyyatlarda; • orta və ya ağır böyrək xəstəliklərində, böyrək çatışmazlığı və ya onun riski varsa; • hamiləlik, doğuş və ana südü ilə qidalandıran zaman; • 16 yaşa qədər; İnyeksiya üçün ketorolakın tərkibində alkoqol vardır, buna görə epidural və intratraxeal istifadə oluna bilməz; • hemorragik diatezlərdə; • intensiv diuretik müalicə alan xəstələrdə; Xüsusi göstərişlər və ehtiyat tədbirləri Ketorolak trometamin istifadəsi ilə əlaqəli daha ciddi risklər bunlardır: Qastrointestinal xora, qanaxma və perforasiya VATORLAK əvvəllər peptik xora və/ və ya qastrointestinal qanaxması sənədlə təsdiqlənən xəstələrdə ƏKS GÖSTƏRİŞDİR. VATORLAK ilə müalicə olunan xəstələrdə istənilən anda xəbərdarlıq edici simptomlar və ya onlarsız, qanaxma, xora və perforasiya kimi ciddi qastrointestinal toksiklik baş verə bilər. Bu günə qədər QSİƏP-lərlə aparılan tədqiqatlar peptik xora və qanaxma riskinin inkişaf etməyəcəyi xəstə qrupunu müəyyən etməyib. Yaşlı və ya zəif xəstələr digərləri ilə müqayisədə xora əmələ gəlməsi, yaxud qanaxmaya daha az tolerantdırlar və bu qrup adamlarda ölüm hallarının olması haqda daha çox məlumatlar vardır. Parenteral təyin olunmuş VATORLAK ilə əlaqəli postmarketinq müşahidələr göstərir ki, qastrointestinal xora əmələ gəlməsi, qanaxma və perforasiya riski yaşlılarda daha çox ola bilər. Qastrointestinal fəsadların rast gəlmə tezliyi və ağırlığı VATORLAK müalicəsinin müddəti və dozası artdıqca daha çox olur. Təsadüfi olmayan seçim əsasında, xəstəxana daxili postmarketinq nəzarət tədqiqatlarına görə parenteral opioidlərlə müqayisədə VATORLAK-ın gündəlik orta hesabla 90 mq parentral yeridilməsi zamanı klinik ciddi qastrointestinal qanaxmalar <65 yaşlarda daha çox rast gəlinib. Aparılmış eyni tədqiqat göstərdi ki, yaşlı (65 yaş) və zəif xəstələr qastrointestinal fəsadlaşmaya daha çox həssasdırlar. Peptik xora anamnezinin mövcudluğunun VATORLAK müalicəsi müddətində mümkün olan ciddi qastrointestinal fəsadlaşmanın inkişafı üçün digər bir risk faktoru olması aşkarlanıb. Böyrək funksiyalarının çatışmazlığı VATORLAK böyrək funksiyaları çatışmazlığı, yaxud böyrək xəstəlikləri anamnezi olan xəstələrdə ehtiyatla istifadə olunmalıdır, çünki o, prostaqlandin sintezinin güclü inhibitorudur. Renal perfuziyanın həyata keçirilməsində prostaqlandinlər dəstəkləyici rolu oynadığından, VATORLAK tətbiqi ilə əlaqəli renal toksiklik xəstələrdə böyrək qan təchizatı, yaxud həcminin azalmasına aparıb çıxara bilər. Belə xəstələrdə VATORLAK-in təyini böyrəklərin prostaqlandin əmələ gətirməsini dozadan asılı olaraq azalda bilər və nəticədə böyrək çatışmazlığını sürətləndirə bilər. Bu reaksiya riskinə ən çox məruz qala bilən xəstələr böyrək funksiyaları çatışmazlığı olan, dehidratasiya, ürək, yaxud qaraciyər çatışmazlığı olan xəstələr və eləcə də diuretiklər qəbul edənlər və yaşlılardır. Ketorolak trometamin müalicəsinin dayandırılması adətən müalicədən əvvəlki hala qayıtmağa aparıb çıxarır. Renal effektlər VATORLAK və onun metabolitləri əsasən böyrəklər vasitəsilə eliminasiya olunur, odur ki, kreatinin klirensı zəif olan xəstələrdə bu preparatın klirensı azalmış olacaq. Ona görə VATORLAK böyrək çatışmazlığı olan xəstələrdə ehtiyatla istifadə olunmalı və belə xəstələr sıx nəzarətdə olmalıdırlar. VATORLAK tətbiqi ilə əlaqədar kəskin böyrək çatışmazlığı, nefrit və nefrotik sindrom hallarının olması haqda məlumatlar vardır. Böyrək problemləri olan xəstələrin böyrək çatışmazlığı inkişafının riski olduğundan, belə xəstələrə VATORLAK təyinindən öncə bu preparatın riski və faydası qiymətləndirilməlidir. Belə ki, zərdab kreatinini orta dərəcədə artmış xəstələrdə Ketorolak trometamin inyeksiyasının gündəlik dozası yarıya qədər azaldılmalı və 60 mq/gün-dən çox olmamalıdır. VATORLAK ZƏRDAB KREATİNİNİN AĞIR BÖYRƏK ÇATIŞMAZLIĞINA MÜVAFİQ GÖSTƏRİCİLƏRİ ZAMANI İSTİFADƏSİ ƏKS GÖSTƏRİŞDİR. Hipovolemiya Ketorolak trometamin müalicəsinə başlamamışdan əvvəl korreksiya edilməlidir. Maye ləngiməsi və ödem VATORLAK tətbiqi zamanı maye ləngiməsi, ödem, NaCl-un ləngiməsi, oliquriya, zərdabda kreatinin və sidik cövhərinin səviyyəsinin qalxması kimi hallar klinik sınaqlarda rast gəlinib. Buna görə VATORLAK ürək fəaliyyətinin dekompensasiyası, hipertenziya və ya oxşar vəziyyətlərdə çox ehtiyatla istifadə olunmalıdır. Qanaxma Prostaqlandinlər hemostazda vacib rol oynadıqları üçün və QSİƏV-lər trombositlərin aqreqasiyasına təsir etdiyindən, koaqulyasiya patologiyaları olan xəstələrdə VATORLAK çox ehtiyatla istifadə olunmalıdır və belə xəstələr diqqətlə izlənməlidirlər. Əgər antikoaqulyantın (məsələn, Heparin, yaxud Dikumarolun törəmələri) terapevtik dozaları qəbul edən xəstələr eyni zamanda VATORLAK müalicəsi də alırlarsa, belə xəstələr qanaxma riski altında olurlar; odur ki, həkimlər belə yanaşı müalicəni fövqəladə ehtiyatla tətbiq etməlidir. VATORLAK və profilaktik alçaq dozada Heparin (12 saatdan bir 2500-5000), Varfarin və dekstranların yanaşı təyini geniş tədqiq olunmamışdır, amma bu hallar da artmış qanaxma riski ilə müşayiət olunur. Belə tədqiqatlardan əldə olunan nəticələrə əsasən, həkimlər fayda və risk rəqabətini diqqətlə müəyyənləşdirməklə bu tip müalicələri ancaq son dərəcə ehtiyatla tətbiq etməlidirlər. Hər hansı səbəbə görə antikoaqulyant qəbul edən xəstələrdə VATORLAK əzələ daxilinə təyin olunduqda əzələ daxili hematomanın əmələ gəlməsi riski çoxalır. Hemostaza təsir edə bilən dərman müalicəsi alan xəstələr sıx nəzarətdə olmalıdırlar. VATORLAK-ın əməliyyatdan öncə inyeksiyası ilə əlaqəli əməliyyatdan sonra hematoma və yara qanamasının digər əlamətlərinin olması postmarketinq təcrübələrdən bəllidir. Buna görə, VATORLAK-ın əməliyyatdan əvvəl təyinindən uzaq olmaq məsləhətdir və əməliyyatdan sonra hemostazın kritik halında istifadəsi ehtiyatla olmalıdır. Anafilaktoid reaksiyalar Anafilaktoid reaksiyalar, əvvəllər qəbul olunması bəlli olmayan hallarda, Aspirin, VATORLAK, yaxud digər QSİƏV-lərə qarşı yüksək həssaslığın olması nəticəsində baş verə bilər, yaxud angioödem, bronxospastik reaktivliyi (məsələn, astma) və nazal polipləri olan xəstələrdə meydana çıxa bilər. Anafilaktoid reaksiyalar anafilaksiya kimi, ölümlə nəticələnə bilər. Qaraciyər effektləri VATORLAK qaraciyər çatışmazlığı, yaxud qaraciyər xəstəlikləri anamnezi olan xəstələrdə ehtiyatla istifadə olunmalıdır. VATORLAK ilə müalicə qaraciyər fermentlərinin səviyyəsinin artmasına səbəb ola bilər və mövcud qaraciyər disfunksiyalarını bir qədər də ağırlaşdıraraq kəskin qaraciyər reaksiyalarının əmələ gəlməsinə aparıb çıxara bilər. VATORLAK müalicəsi ilə əlaqəli qaraciyər testlərinin qeyri-normal nəticələri ortaya çıxarsa, o zaman bu preparatın təyini dayandırılmalıdır. Hematoloji effektlər VATORLAK trombositlərin aqreqasiyasını tormozlayır və qanaxma vaxtını uzada bilir; odur ki, əməliyyat önü istifadəsi əks göstərişdır və hemostazın kritik halında ehtiyatla istifadə olunmalıdır. Aspirindən fərqli olaraq, trombositlərin aqreqasiyasını tormozlaması funksiyası VATORLAK istifadəsi dayandırıldıqdan 24-48 saatdan sonra aradan qalxır. VATORLAK trombositlərin sayına, protrombin vaxtına, yaxud qismən tromboplastin vaxtına təsir etmir. Nəzarət olunan klinik tədqiqatlarda VATORLAK əməliyyatdan sonra əzələ daxili və ya vena daxili yeridilən zaman əhəmiyyət kəsb edən postoperativ qanaxma halları 0,4% olmuşdur (narkotik analgetiklər təyin edilən kontrol qrupda nəticə 0,2% olub). VATORLAK, digər QSİƏP-lər kimi, ağır dəri reaksiyaları – əlavə təsirlərə (qabıqlanan dermatit, Stivens-Conson sindromu) səbəb ola bilər, ki bu da hospitalizasiyaya və hətta ölümə də səbəb ola bilər. Ağır dəri reaksiyaları gözlənilməz baş verə bildiyindən, xəstələr səpgi, sızanaq, qızdırma, qaşınma kimi yüksək həssaslıq simptom və əlamətlərinə görə diqqətli olmalı və hər hansı göstərici simptom və əlamət müşahidə edildikdə həkimə müraciət etməlidir. Xəstələr hər hansı bir səpgi ilə qarşılaşarsa, dərhal bu dərman preparatının qəbulunu dayandırmalı və mümkün qədər tez həkim ilə əlaqə saxlamalıdırlar. Ketorolak inyeksiyasının bəzi inqrediyentləri haqda vacib məlumatlar Bu tibb məhsulunun tərkibində hər dozasında 100 mq Etanol (alkoqol) vardır ki, bu da, 2 ml pivəyə, yaxud 1 ml çaxıra ekvivalentdir. Bu, alkoqolizmdən əziyyət çəkənlər üçün zərərli ola bilər, uşaqlara, eləcə də qaraciyər xəstəlikləri və epilepsiyası olub yüksək risk qrupu sayılanlara təyin olunanda nəzərə alınmalıdır. Digər dərman vasitələri ilə qarşiliqli təsiri Əgər Siz hər hansı bir dərman preparatını qəbul edirsinizsə, yaxud son zamanlar qəbul etmisinizsə (reseptsiz buraxılanlar daxil olmaqla), bu haqda həkiminizə məlumat verin. Bu çox vacibdir, çünki VATORLAK digər dərman preparatlarının funksiyasına təsir edə bilər. Bu, aşağıdakı dərmanlara aiddir: • qanın laxtalanmasında (antikoaqulyantlar, Okspentifillin, antitrombositar agentlər); • ürək çatışmazlığında (Furosemid, diuretiklər və ya Diqoksin kimi ürək qlükozidləri); • depressiyalar zamanı (Litium, serotoninin selektiv təkrar tutulmasının inhibitorları); • yüksək qan təzyiqi zamanı (Propranolol və digər β-blokatorlar, AÇF inhibitorları, Tromboksan, angiotenzin II inhibitorları); • podaqra (Probenecid), psoriaz (Metotreksat), yaxud artritlər zamanı (steroidlər); • digər QSİƏP-lar (Ibuprofen kimi) və ya Aspirin qəbulunda; • kəskin transplantat orqanın qopmasında (Siklosporin, Takrolim); • infeksiyalarda (Xinolon, antibakterial preparatlar); • Epilepsiya əleyhinə preparatlar • Əzələ relaksantları • Psixoaktiv dərmanlar (fluoksetin, liotikden, alprazolam) • Morfinlə eyni şprisdə qarışdırılmamalıdır • İİV və QIÇs (Zidovudin), eləcə də Mifepriston adlanan dərman preparatının istifadəsi zamanı (düşükləri stimulə etmək üçün adətən xəstəxanalarda istifadə olunur). VATORLAK Mifepriston istifadə etdikdən sonra 8 - 12 gün ərzində istifadə edilməməlidir. Hamiləlik və laktasiya dövründə istifadəsi VATORLAK inyeksiyası hamiləlik, doğuş və ana südü ilə qidalandırma dövründə istifadə olunmamalıdır. Ketorolak hamilə olmağı daha da çətinləşdirə bilər. Əgər Siz hamilə olmağı planlaşdırmısınızsa, yaxud hamilə olmaq probleminiz varsa, bu haqda həkiminizə məlumat verməyiniz məsləhətdir. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri: VATORLAK inyeksiyası Sizdə başgicəllənmə, yorğunluq, mürgüləmə, eləcə də başağrısı, vizual narahatçılıqlar, yaxud yuxusuzluq kimi hallar əmələ gətirə bilər. Əgər Siz bu yazılanlardan hər hansı birini hiss etsəniz, avtomobil və ya mexanizmləri idarə etməyin. İstifadə qaydasi və dozası Bu məhlulun tərkibində Etanol olduğu üçün epidural və ya intratraxeal istifadə edilməməlidir. Parenteral müalicə müddəti iki gündən çox olmamalıdır. Təyin olunan doza ən kiçik effektli doza olub, ağrının kəskinliyi və xəstənin cavab reaksiyasına münasib olmalıdır. Əzələdaxili inyeksiya Böyüklər Adətən başlanğıc doza 10 mq olub, sonradan hər 4-6 saatdan bir 10-30 mq-dır; maksimum 90 mq olmaqla, ağrının kəskinliyi və xəstənin cavab reaksiyasına münasib olmalıdır. Müalicə müddəti iki gündən çox olmamalıdır. Yaşlılar (>65 yaş) Əgər Sizin yaşınız 65-dən çoxdursa, yaxud böyrək probleminiz varsa və ya çəkiniz 50 kq-dan azdırsa, o zaman dozanı bir qədər də azaltmaq lazımdır (sutkalıq maksimum 60 mq). Maksimum müalicə müddəti iki gündən çox olmamalıdır. Əgər Sizdə belə bir təəssürat var ki, VATORLAK inyeksiyasının təsiri çox güclü və ya çox zəifdir, onda həkiminizlə əlaqə saxlayın. Uşaqlar 16 yaşa qədər olan uşaqlarda istifadə olunmur. Venadaxili təyini BU PREPARATIN VENADAXİLİ İSTİFADƏSİ XƏSTƏXANALARDA VƏ QOCALAR EVİNDƏ HƏYATA KEÇİRİLİR. Böyüklər Adəti başlanğıc doza (əməliyyatdan sonrakı ağrının müalicəsinə başlanılan zaman) 10 mq olub, sonradan hər 4-6 saatdan bir 10-30 mq-dır; maksimum 90 mq olmaqla, ağrının kəskinliyi və xəstənin cavab reaksiyasına münasib olmalıdır. Müalicə müddəti iki gündən çox olmamalıdır. Yaşlılar (>65 yaş) Əgər Sizin yaşınız 65-dən çoxdursa, yaxud böyrək probleminiz varsa və ya çəkiniz 50 kq-dan azdırsa, o zaman dozanı bir qədər də azaltmaq lazımdır (sutkalıq maksimum 60 mq). Maksimum müalicə müddəti iki gündən çox olmamalıdır. Əgər Sizdə belə bir təəssürat var ki, VATORLAK inyeksiyasının təsiri çox güclü və ya çox zəifdir, onda həkiminizlə əlaqə saxlayın. Uşaqlar 16 yaşa qədər olan uşaqlarda istifadə olunmur. Əlavə təsirləri Digər dərman preparatları kimi, VATORLAK inyeksiyasının da bəzi xəstələrdə əlavə təsirləri meydana çıxa bilər. Xəstələrin çoxunda isə VATORLAK inyeksiyasının istifadəsi problemsiz ötüşür. Kəskin əlavə təsirlər Əgər aşağıdakılardan hər hansı birisi baş verərsə, o zaman DƏRHAL həkiminizə müraciət edin. • Tənəffüsün çətinləşməsi, xırıltılar varsa: kəskin allergik reaksiyalar. Sizdə yüksək həssaslıq reaksiyası ola bilər ki, bu da çox ciddi ola bilər. • Nəcisinizdə qan olarsa; • Əgər qara qatran kimi nəcis olarsa; • Qanlı qusuntu və ya qəhvə xıltılı qusma olarsa; • Dəridə şişkinliklər (övrə), qaşınma, səpgilər, qabıqlanan dəri, ləkələr, qovuqcuqlar varsa, eləcə də dəridə xoralar və soyulma, yaxud dərinin işığa həssaslığı artmışdırsa; Digər əlavə təsirlər Əgər Sizdə aşağıda sadalananlardan hər hansı birisi varsa, o zaman həkiminizə və ya tibb bacısına müraciət edin: • ürəkbulanması, həzm pozğunluğu və ya gəyirmə, mədə ağrısı, yaxud narahatçılığı; • qastrit, mədə qanaxması, mədəaltı vəzin problemləri, mədə xorası, ishal, hıçqırıq, qəbizlik, yaxud toxluq hissi, iştahanın korlanması; • mürgüləmə, yorğunluq, baş gicəllənmə, başağrısı, tərləmə, qızdırma, həyəcanlılıq, əsəbilik, əqli narahatçılıq, əhval dəyişilməsi, çaşqınlıq, qeyri-normal təfəkkür, fikri cəmləşdirə bilməmə, yuxusuzluq, qıcolmalar, hiperaktivlik, meningitin yüngül forması, hallüsinasiyalar, qeyri-normal yuxular. • ağızda quruluq, ağızda yaralar, boğaz ağrısı, həddən çox susama, həddən çox çəki artımı, qızdırma, görmə, dad və eşitmə pozğunluğu (eşitmənin itməsi, qulaqlarda küy); • əzələlərdə ağrı, keyləşmə və iynəbatma hissi, əzələ spazmı və ya zəifliyi. • böyrək problemləri, sidiyin miqdarının, xaric olma tezliyinin dəyişməsi, sidiklə qan xaric olması, bədəndə mayenin ləngiməsi, böyrək ağrısı, yaxud böyrək çatışmazlığı; • üzün qızarması və ya solması, anemiya, qanın tərkibində dəyişikliklər; • qan təzyiqində dəyişikliklər, ürək döyüntüsü ilə müşayiət olunan döş qəfəsi ağrıları, ürək vurğularının sayının azalması. VATORLAK inyeksiyası kimi dərman preparatlarının istifadəsi ürək tutması (miokard infarktı) və ya insultun, əməliyyat yerindən qanaxmanın və ya göyərmənin, burun qanaxması riskinin az da olsa, artması ilə müşayiət oluna bilər. • qadın sonsuzluğu; • inyeksiya yerində ağrı; • inyeksiya yerinin sarı rəng alması (dərinin sarımtıl rəngdə və gözlərin ağ olması); • qaraciyər çatışmazlığı və iltihabının baş verməsi haqda məlumatlar vardır. Əgər Siz hər hansı bir digər əlavə təsirlərlə əlaqədar narahatsınızsa, bu haqda həkiminizə məlumat verin. Doza həddinin aşilmasi Doza həddinin aşılması zamanı aşağıdakı simptomlar aşkarlanıb • eroziv qastrit; • abdominal ağrı və peptik xora; • qastrointestinal qanaxma; Nadir hallarda • hipertenziya; • kəskin böyrək çatışmazlığı; • respirator depressiya; • anafilaktoid reaksiyalar; • QSİƏP-lər qəbulundan sonra koma. Doza həddinin aşılması zamanı tez bir zamanda həkiminizə, yaxud yaxınlıqdakı xəstəxanaya müraciət edin. Buraxiliş formasi 1 ml məhlul ampulda. 3 ampul içlik vərəqə ilə birlikdə karton qutuya qablaşdırılır. Saxlanma şəraiti 250C-dən yüksək olmayan temperaturda, işıqdan qorumaqla və uşaqların əli çatmayan yerdə, original qutusunda saxlayın. Dərman preparatları axar su və ya məişət tullantıları ilə tullanmamalıdır. Daha lazım olmayan dərman preparatlarının necə tullanması haqda əczaçıdan soruşun. Bu, ətraf mühitin çirklənməsinin qarşısını almağa kömək edər. Yararliliq müddəti Son istifadə tarixi üçün etiketin üzərində nəşr olunmuş tarixə baxın. Son istifadə tarixi açılmamış və düzgün saxlanılmış məhsula görə etibarlıdır. Etiketin üzərində nəşr olunmuş son istifadə tarixi keçəndən sonra bu preparatı istifadə etməyin. İşıqdan qorumaq üçün öz orijinal qutusunda saxlayın. Aptekdən buraxilma şərti Resept əsasında buraxılır İstehsalçi Esseti Farmaceutici S.r.l. Via Campobello 15 00071 Pomezia (Roma) Italy. Qeydiyyat vəsiqəsinin sahibi Novator Pharma LLP, United Kingdom. Office 307, Regico Offices the Old Bank 153 the Parade high street Watford, United Kingdom. Məhsulun və əmtəə nişaninin sahibi Novator Pharma LLP, United Kingdom. Office 307, Regico Offices the Old Bank 153 the Parade high street Watford, United Kingdom.