Düzgün seçim, Uğurlu müalicə, Sağlam gələcək!
NOVASETRİN 10 mq/ml oral damcı məhlul
NOVACETRIN
Beynəlxalq patentləşdirilməmiş adı: Cetirizine dihydrochloride
Tərkibi
Təsiredici maddə: 1 ml (1 ml = 20 damcı) məhlulun tərkibində 10 mq of setirizin dihidro-xlorid vardır. Bir damcının tərkibində 0,5 mq setirizin dihidroxlorid vardır.
Köməkçi maddələr:qliserin 85%, propilenqlikol, saxarin natrium, metilparahidroksibenzoat (E 218), propilparahidroksibenzoat (E 216), natrium asetat trihidrat, buzlu asetat turşusu, təmizlənmiş su.
Təsviri
Şəffaf, rəngsiz mayedir.
ATC kodu: R06AE07.
Farmakoterapevtik qrup
II nəsil antihistamin dərman vasitəsi.
Farmakoloji xüsusiyyətləri
Farmakokinetikası:
Setirizin antiallergik, farmakoloji dozalarda zəif yuxugətirici təsirə malik güclü antihistamin maddədir. O H1-histamin reseptorlarının selektiv antagonistidir, digər reseptorlara isə nəzərəçarpan təsir göstərmir. Buna görə də faktik olaraq antixolinergik və antiserotonin effekti yoxdur. Setirizin allergik reaksiyanın ilkin fazasında histamin mediatorunu inhibə edir, həmçinin onun ifrazını azaldır.
Farmokokinetika
Setirizin mədə-bağırsaq traktından yaxşı sorulur. Qida qəbulu preparatın sorulmasına praktik olaraq təsir etmir. 10 mq dozanın oral qəbulundan 1 saat sonra qanda pik konsentrasiyada - 0,3 mkq/ml (300 ng/ml) aşkar edilir. Qaraciyərdə cüzi miqdarda metabolizmə uğrayır. Setirizin əsasən dəyişilməmiş şəkildə sidiklə xaric olunur. Plazma zülalları ilə aktiv şəkildə birləşir. Yarımparçalanma müddəti böyüklərdə 10 saat, 6-12 yaşlı uşaqlarda 6 saat, 2-6 yaşlı uşaqlarda 5 saata bərabərdir. Plazma klirensi böyüklərə nisbətən uşaqlarda daha yüksəkdir. Plazma səviyyəsi verilən doza ilə xətti mütənasibdir. Setirizin plazma zülalları ilə aktiv birləşir. Qaraciyər çatışmazlığından əziyyət çəkən və böyrək klirensi 40 ml/dəq-dən az olan xəstələrdə yarımparçalanma müddəti artır. Qəbul olunmuş dozanın təxminən 2/3 hissəsi dəyişilməmiş halda böyrəklər vasitəsilə xaric olur.
İstifadəsinə göstərişlər
NOVASETRİN 10 mq/ml oral damcı böyüklərdə və 2 yaş və daha böyük uşaqlarda aşağıdakı hallarda göstərişdir:
Əks göstərişlər
Xüsusi göstərişlər və ehtiyat tədbirləri
NOVASETRİN-dən istifadə etdikdə aşağıdakı hallarda ehtiyatlı olmaq lazımdır:
- Sidiyin retensiyası probleminə (onurğa beyninin zədələnməsi/prostat vəzinin hiperplaziyası nəticəsində) meylli xəstələrdə setirizinlə müalicə zamanı bu simptomların artma riski daha çoxdur.
- Böyrək çatışmazlığı olan xəstələrdə preparatın qəbulundan öncə həkimlə məsləhətləşmək lazımdır; ehtiyac olarsa, preparat aşağı doza ilə təyin edilə bilər. Bu doza həkim tərəfindən təyin edilməlidir.
- Epilepsiya xəstəliyindən əziyyət çəkən və ya paroksizm riski yüksək olan xəstələrdə preparatı istifadə etmədən öncə həkimlə məsləhətləşmək lazımdır. Preparatın alkohol ilə (qanda alkoholun miqdarı 0,5 q/l) qarşılıqlı təsiri haqqında kliniki tədqiqatlar mövcud deyil. Digər antihistaminlərin qəbulu zamanı oluğu kimi NOVASETRİN-in də alkohol ilə birgə istifadəsi zamanı ehtiyatlı olmaq məsləhət görülür.
- Setirizin allergiya üçün dəri testinin nəticələrinə təsir edə bilər, çünki allergik reaksiyalar antihistaminlər tərəfindən inhibə olunur. Allergiya testi etməzdən öncə həkim xəstə tərəfindən NOVASETRİN-in qəbulu haqda məlumatlandırılmalıdır və müalicə həkimi hansı tədbirlərin görülməsinin lazım olduğu haqda məsləhət verməlidir
- NOVASETRİN oral damcı məhlulunun tərkibində metilparahidroksibenzoat (E 218), propilparahidroksibenzoat (E 216) vardır. Bu maddələr allergik reaksiyalar törədə bilər (ləng tipli olması mümkündür).
Digər dərman vasitələri ilə qarşılıqlı təsiri
Əgər pasiyent son zamanlar reseptli və ya reseptsiz istifadə olunan dərmanlar qəbul edibsə və ya qəbul etməyə davam edirsə, bu haqda həkim və ya əczaçını məlumatlandırmaq lazımdır. NOVASETRİN-in digər dərman vasitələri ilə qarşılıqı təsiri müəyyən edilməmişdir.
Hamiləlik və laktasiya dövründə istifadəsi
Hamiləlik və laktasiya zamanı preparatı istifadə etmədən öncə həkimlə məsləhətləşmək lazımdır. Digər antihistamin preparatlar kimi NOVASETRİ-nin də hamiləlik zamanı istifadə edilməsi tövsiyə edilmir. Hamiləlikdə preparatın yanlışlıqla istifadəsi zamanı dölə hər hansı bir mənfi təsir müşahidə olunmasa da, istənilən halda preparatın istifadəsi dərhal dayandırılmalıdır. Setirizin ana südünə keçdiyi üçün laktasiya zamanı preparatın istifadəsi məsləhət görülmür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Klinik araşdırmalar, NOVASETRİN-in tövsiyə edilən dozada qəbulunun diqqət, ayıqlıq və sürücülük qabiliyyətinə təsirini aşkarlamayıb.
Əgər siz avtomobil sürməyə, potensial təhlükəli fəaliyyətlə məşğul olmağa və ya mexanizmləri idarə etməyə hazırlaşırsınızsa, NOVASETRİN qəbulundan sonra dərmanın təsirini diqqətlə müşahidə edin. Tövsiyə olunan dozanı həddini aşmayın.
İstifadə qaydası və dozası
Bu dərmanı həmişə həkiminizin təyin etdiyi qaydaya dəqiq əməl etməklə qəbul edin. Əmin olmadığınız məsələləri həkiminizln dəqiqləşdirin.
Damcıları qaşığa tökmək və ya suda həll etməklə daxilə qəbul etmək lazımdır.
Dərmanı suda həll etdiyiniz zaman, xüsusən uşaqların qəbul edəcəyi halda, nəzərə alınmalıdır ki, suyun miqdarı xəstənin içə biləcəyi miqdara uyğun olmalıdır. Hazırlanmış məhlul dərhal qəbul edilməlidir. Damcıları sayarkən, flakon, ağzı aşağı olmaqla şaquli saxlanmalıdır. Lazımi miqdar əldə olunmamış damcıların axması dayanarsa, qabı ağzı yuxarı və sonra yenidən ağzı aşağı çevirib damcıları saymağı davam edin.
Böyüklər və 12 yaşdan yuxarı yeniyetmələr
Tövsiyə olunan doza gündə bir dəfə 20 damcı (10 mq-a müvafiq).
6 -12 yaşlı uşaqlarda istifadəsi
Tövsiyə olunan doza 10 damcı (5 mq-a müvafiq) gündə 2 dəfə.
2 - 6 yaşlı uşaqlarda istifadəsi
Tövsiyə olunan doza 5 damcı (2,5 mq-a müvafiq) gündə 2 dəfə.
Müalicənin müddəti pasiyentin şikayətlərinin növündən, davametmə müddətindən və gedişindən asılı olub, həkim tərəfindən təyin olunur.
İstifadəsində xüsusi hallar:
Böyrək çatışmazlığı olan pasiyentlər: Mülayim böyrək çatışmazlığı olan xəstələrə, dərmanın gündə bir dəfə 10 damcı şəklində 5 mq qəbul etmələri məsləhət görülür.
Əgər siz ağır böyrək çatışmazlığından əziyyət çəkirsinizsə, dərmanın dozasının korreksiyası üçün həkiminizə müraciət edin.
Əgər uşaqda böyrək xəstəliyi varsa, dərmanın dozasının korreksiyası üçün onun həkiminə müraciət edin.
NOVASETRİN-in qida və alkoqolla birlikdə qəbulu
Qida qəbulu NOVASETRİN-in sorulmasına təsir etmir.
Alkoqol (1 stəkan şərab qəbuluna uyğun gələn, qanda 0,5 q/l konsentrasiyası zamanı) ilə töv-siyə olunan dozada qəbul edilmiş setirizin arasında klinik əhəmiyyətli qarşılıqlı təsir qeyd olunmayıb. Ancaq daha yüksək dozada setirizin və alkoqolun birgə qəbulunun təhlükəsizliyi barəsində məlumat yoxdur. Bu səbəbdən, bütün antihistamin preparatları kimi, NOVASETRİN -i də alkoqol ilə birlikdə qəbul etmək məsləhət görülmür.
Unudulmuş dozanın əvəzinə dərmanı ikiqat dozada qəbul etməyin.
NOVASETRİN-in qəbulunu dayandırarkən, nadir hallarda, güclü qaşınma və /və ya övrə geri qayıda bilər.
Əlavə təsirləri
Bütün dərmanlar kimi, bu preparatın da əlavə təsirləri var, amma onlar hər insanda baş vermir.
Aşağıda sadalanan əlavə təsirlər nadir və ya çox nadir hallarda rast gəlir, lakin özünüzdə onları müşahidə etsəniz dərmanın qəbulunu dərhal dayandırıb həkiminizi bu barədə məlumatlandırmalısınız:
Allergik reaksiyalar, o cümlədən ciddi allergiyalar və angionevrotik ödem (üz və ya boğazın şişməsi ilə gedən ağır allergik reaksiya).
Bu reaksiyalar, dərmanı qəbul edən kimi və ya bundan bir müddət sonra meydana çıxa bilər.
Tez-tez baş verən əlavə təsirlər (10 xəstədən birində baş verə bilər)
Bəzən baş verən əlavə təsirlər (100 xəstədən birində baş verə bilər)
Nadir əlavə təsirlər (1000 xəstədən birində baş verə bilər)
Çox nadir əlavə təsirlər (10000 xəstədən birində baş verə bilər)
Başvermə tezliyi məlum olmayan əlavə təsirlər (əldə olunmuş məlumatlara əsasən tezliyi təyin etmək mümkün olmur )
Doza həddinin aşılması
Əgər siz, NOVASETRİN-in doza həddini aşdığınızı düşünürsünüzsə, həkiminizi bu barədə məlumatlandırın. O zaman lazım gələrsə, həkiminiz müəyyən tədbirlərin aparılmasına qərar verəcək.
Doza həddinin aşılmasından sonra, aşağıda sadalanmış əlavə təsirlər, daha intensiv şəkildə meydana çıxa bilər: çaşqınlıq, ishal, başgicəllənmə, yorğunluq, başağrısı, naxoşluq, göz bə-bəklərinin genişlənməsi, qaşınma, həyəcanlanma, keylik, yuxululuq, stupor, nəbzin anormal sürətlənməsi, qıcolmalar və sidiyin ləngiməsi.
Buraxılış forması
20 ml damcı, məhlul – flakonda. 1 flakon damcıladıcı və içlik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan və uşaqların əli çatmayan yerdə saxlamaq lazımdır.
Heç bir dərmanı çirkab sularına və ya məişət tullantılarının içərisinə atmayın. İstifadə etmədiyiniz dərmanın necə atılmalı olduğunu əczaçıdan soruşun. Bu tədbirlər ətraf mühitin qorunmasına yardım məqsədi daşıyır.
Yararlılıq müddəti
Yararlılıq müddəti qablaşdırmanın üzərində EXP sözündən sonra göstərilir.
Yararlılıq müddəti bitdikdən sonra istifadə etmək olmaz.
Flakonu birinci dəfə açdıqdan sonra 21 aydan çox vaxt keçərsə dərmanı istifadə etməyin.
Aptekdən buraxılma şərti
Resept əsasında buraxılır.
İstehsalçı
ABC Farmaceutici S.p.A. – Canton Moretti, 29 – Localita San Bernardo-10015 Ivrea (TO) – Italy.
Qeydiyyat vəsiqəsinin sahibi
Novator Pharma LLP, United Kingdom.
Office 307, Regico Offices the Old Bank 153 the Parade high street Watford, United Kingdom.
Məhsulun və əmtəə nişanının sahibi
Novator Pharma LLP, United Kingdom.
Office 307, Regico Offices the Old Bank 153 the Parade high street Watford, United Kingdom.
NOVATOR PHARMA
Azərbaycan
English
Україна
Türkiye
Қазақстан
Oʻzbekiston
Кыргызстан
საქართველო